الرئيسية > آش واقع > بؤرة “لالة ميمونة”.. عامل القنيطرة في قفص الاتهام ومتتبعون: علاش مدارش الحجر على المنقطة
19/06/2020 12:30 آش واقع

بؤرة “لالة ميمونة”.. عامل القنيطرة في قفص الاتهام ومتتبعون: علاش مدارش الحجر على المنقطة

بؤرة “لالة ميمونة”.. عامل القنيطرة في قفص الاتهام ومتتبعون: علاش مدارش الحجر على المنقطة

هشام أعناجي ــ كود الرباط//

في الوقت اللي كيتشكاو ناس ف قنيطرة من “الروينة” لي واقعة ف قضية توزيع الرخص الاستثنائية للتنقل خارج المدينة، عامل إقليم القنيطرة كيواجه أسوأ أيامه بسبب بؤرة لالة ميمونة، خصوصا بعد ظهور إصابات جديدة.

اليوم كاين حديث عن بؤرة صناعية في منطقة لالة ميمونة غايكون تسجلو فيها أكثر من 100 إصابة، هاد المنطقة سبق ليها قبل أيام أن سجلت 29 حالة ببؤرة صناعية.

مرسوم الطوارئ عطا الصلاحيات للولاة والعمال باش يديرو الحجر على منطقة معينة. السؤال لي كيطرحوه المتتبعين علاش مداروش الحجر على منطقة لالة ميمونة.

هذا خطأ فادح حسب متتبعين.

معطيات حصلت عليها “كود” من مصادر بالمدينة تفيد بأن من أخطاء العامل كذلك هو تكليف موظف متقاعد بالرخص الاستثنائية تشكاو منو ناس بزاف، مثلا غير اليوم فالصباح مبغاش يعطي رخصة التنقل إلى الرباط لـ”إطار طبي” وقاليه خصك تجيب ورقة من مندوبية الصحة بالقنيطرة، بالرغم من أن هذا الاطار عندو رونديفو مع طبيب ديالو ولي هو ايضا أستاذ ديالو سابقا ف كلية الطب بالرباط.

موضوعات أخرى