كود -وكالات //

دخلات شركة أبل رسمياً لسوق تلفونات  iPhone Duoً اللي كيتطواو، فخطوة كتفتح باب جديد للمنافسة مع شركات بحال سامسونگ وهواوي.

التلفون  كيجمع بين شاشة خارجية عادية بقياس  5.4 بوص، وشاشة داخلية كبيرة بقياس  7.6 بوص، مع كادر من التيتانيوم وزج للحماية.

أبل ما كانتش الأولى فهاد المجال، ولكن سالات من السنوات اللي دازوها المنافسين فاختبار هاد التكنولوجيا، الشركة حاولات تفادى بعض المشاكل المعروفة فهاد التلفونات ،وزادت طبقة nano-texture باش تنقص من الضوء،  وزادت نظام تبريد متطور، جوج باتريات ، ومقاومة للماء والغبار بمعيار IP68، عاد  نظام  تشغيل مهيأ للشاشة الكبيرة وتعدد المهام.

فالسوق، كاينة منافسة قوية بين ثلاثة توجهات مختلفة. iPhone Duo كيبدا من 1999 دولار وكيجي بكاميرا مضوبلة  ب 48 ميغابكسل، اما  Galaxy Z Fold8 من سامسونغ كيبدا من 1899 دولار، مستافد من تجربة الشركة فثمانية أجيال من تلفرنات كتطوا،  أما هواوي، فاختارت تصميم مختلف مع Mate XT2 اللي كيتطوى بثلاثة لمرات  وكيعطي شاشة كبيرة ب 10.2 بوصة، بثمن كيبدا من 2980 دولار.

وخا  هاد التطويرات، باقين التلفونات المطويين عندهم مشكل ديال الثقل والغلا فالثمن، حيث  iPhone Duo كيوزن 254 غرام، وهاد الشي كيخليه تقل  من بعض المنافسين.

وفالأخير، المعركة الحقيقية غادي تكون على شكون يقدر يجمع بين الصح ، الخفة، والثمن اللي يخلي المستخدم يقتانع يبدل التليفون العادي بتلفون كيتطوا .