الرئيسية > آراء > اي حاجة يمكن يديروها اليوتوبورات باش يطلعو قنواتهم حتى لدرجة انهم يغامرو بالسمعة ديال ولادهم و مستقبلهم و حياتهم! دابا شفنا زواج مراهق من مريضة نفسيا غدا غانشوفو شي جريمة لايڤ مولاها بغا يدير البوز
11/10/2021 18:00 آراء

اي حاجة يمكن يديروها اليوتوبورات باش يطلعو قنواتهم حتى لدرجة انهم يغامرو بالسمعة ديال ولادهم و مستقبلهم و حياتهم! دابا شفنا زواج مراهق من مريضة نفسيا غدا غانشوفو شي جريمة لايڤ مولاها بغا يدير البوز

اي حاجة يمكن يديروها اليوتوبورات باش يطلعو قنواتهم حتى لدرجة انهم يغامرو بالسمعة ديال ولادهم و مستقبلهم و حياتهم! دابا شفنا زواج مراهق من مريضة نفسيا غدا غانشوفو شي جريمة لايڤ مولاها بغا يدير البوز

سهام البارودي – كود//

اليوتوب وسيلة لكسب المال هادي كلشي عارفها و بزاف ديال اليوتوبورزات فالمغرب كايفرگعو ليڤي و كايدخلو الملايين من ادسنس كل شهر و طبعا المحتوى راه كايشبه للشعب لي كايستهلكو ! الشعب فيه شوية ديال المثقفين و الناس الواعية و بزاف ديال بنادم مسالي قبو و باغي غي يبرگگ و يتسلى ! كذلك و مثال اليوتوب ! شوية ديال المحتوى العلمي و الثقافي و بزاف ديال المحتوى ديال التبرگيگ و الضحك و التسلية ووصفات تبييض المناطق الحساسة ! الشعب فيه قلة من العيالات لي كايقلبو يكونو رشيقات و الاغلبية بغاو يربيو الترمة يعني من العادي فاليوتوب انك تلقا اغلبية الوصفات هي وصفات الغلض و خلطي نوراڤيت مع الحلبة و ديري التحاميل الصحراوية للترمة … ايوا شنو ؟ راه المغرب هذا و المغرب ماشي هوا السويد !

وحيت اليوتوب ماكايطلبش منك شي مستوى علمي باش دير قناة و ماكايقوليكش عطيني شهادة طبية كاتثبت انك خالي من الامراض النفسية فمن العادي جدا انه اغلب الناس لي نشوفو فاليوتوب يكونو حماق ! مسطيين ! و مراض عقليا و نفسيا  … المشكلة انه عام على عام النيڤو ديال الحماق فاليوتوب كايطلع و حيت بنادم ماقاريش و مريض و ماواعيش فراه ماعندوش الحصارات يقدر يدير اي حاجة فسبيل الادسنس !

و هاد اي حاجة شفتها هاد اليوماين وانا كانتفرج فيوتوب فاش لقيت أم كاتجوج ولدها شي عندو تمنطاشرعام يعني مازال مراهق لمرا اكبر منو عندها واحد و ثلاتين عام و مريضة نفسيا علاش ؟ باش تطلع القناة ديالها و يتبعوها الناس ! الزواج طبعا مادامش اكثر من تمنياوربعين ساعة و تفرتك!

بنادم كايصحابو راه نزق ! كايتفلى على عباد الله و يستغل المرض النفسي باش يصور الفلوس و مافراسوش بلي راه بالمقابل كايرهن مستقبلو و مستقبل ولادو فحال هاد الام لي جوجات ولدها لهيام سطار باش طلع القناة ديالها من بعد گاع محاولاتها الفاشلة يصحابها راها نزقة ! و عاد كاتدوي على ولدها على اساس انه بغا يولي انسبيكتور ! وا لالة ! ولدك نهار تاجرتي بيه فالسوشل ميديا و حطيتيه فهاد الموقف البهلواني ديال الزواج مع مرا اكبر منو و مريضة نفسيا باش طلعي قناتك راه رهنتي ليه حياتو دابا و مستقبلو ! اشمن انسبيكتور ؟ عمرك شفتي شي انسبيكتور مشوه فاليوتوب ؟! عمرك شفتي شي انسبيكتور كاتاجر بيه مو فاليوتوب و هوا مراهق ؟

ولكن معامن تهضر؟

اغلب اليوتوبوزات ماسوقهم لافمستقبل د الاولاد لا فقيم لا فمبادئ لا فنفسية … بغاو غا الفلوس واخا يصورو تراميهم عريانة و هانية !

موضوعات أخرى

18/10/2021 13:00

المدينة القديمة ديال طنجة ولات كتشبه للمدن العتيقة فالأندلس بعدما تهلات فيها السلطات مزيان واخا الأشغال تعطلو شويا – تصاور

18/10/2021 12:20

بعد المصادقة على البرنامج الحكومي.. نقابة “البي جي دي”: فيه ضبابية مع غياب مؤشرات رقمية وخاص فتح حوار اجتماعي مركزي 

18/10/2021 11:30

كارثة جديدة بوزارة الصحة.. رئيس مؤسسة الأعمال الاجتماعية فالصحة لـ”الموظفين”: اللي باغي يدير السبور يمشي لفاس ومكناس وطنجة وفلوسكم ها شكون غايستفد منها – وثيقة