كود سبور//

مازال الموهبة المغربية الفرنسية ايوب بوعدي لاعب ليل الفرنسي، ما حسم المنتخب اللي غايلعب معه دوليا، واش المغرب بلاد والديه ولا فرنسا فين تزاد وكبر.

وخلال حوار له مع مجلة SoFoot، حضر ايوب بوعدي على المستقبل الدولي ديالو، وقال: “أنا دابا مع ليسبوار ديال منتخب فرنسا. وكانحس براسي بخير، وفالحقيقة أنا مقرر نعطي لراسي الوقت باش نختار”.

ويعتبر ايوب بوعدي من اللاعبين الشباب اللي كايتسناهم مستقبل كبير مع اندية أوروبية كبيرة، بالنظر للمستوى اللي كايقدم مع ليل الفرنسي، وسط تنافس بين المغرب وفرنسا على الخدمات ديالو.