الرئيسية > آراء > ايلى فرقنا فلوس الفوسفاط كل واحد تجيه فالشهر: 12.5 درهم للشهر
04/11/2019 11:22 آراء

ايلى فرقنا فلوس الفوسفاط كل واحد تجيه فالشهر: 12.5 درهم للشهر

ايلى فرقنا فلوس الفوسفاط كل واحد تجيه فالشهر: 12.5 درهم للشهر

مروان العلوي محرزي//

أول حاجة غادي نديرها من بعد ما نشد منصب رئيس حكومة المغرب

هي نعطي لكل واحد حقو في الفوسفاط.

الأرباح الصافية ديال OCP في 2018 بعد ما كتنقص كلفة الإنتاج هي 562.79 مليون دولار في 2018 حسب موقع رويترز.

يعني بما أن عدد سكان المغرب هو 35.74 مليون ف غادي تجي لكل واحد فينا 15.7 دولار للعام أي 150 درهم

لي هي 12.5 درهم للشهر.

المهم ما تسالو لي كرئيس حكومة غير تجيكم قهوة قهوة للواحد كل شهر (في حي شعبي ما شي في أكدال) ،
غير بنادم ما يبقاش يفرع لي راسي ببغيت حقي من الفوسفاط ونعيشو هانيين

الهدف من هاد الهدرة ، هو بنادم يعرف أن رأس مال هاد البلاد هي الناس لي فيه وما شي جوج بحور و الفوسفاط لي كيتباع بجوج دريال،
أما إذا جينا للثروات الأرضية، غير الجزائر وأكثر منا ب 11 مرة في مدخول الموارد الطبيعية

وهديك 3.5 مليار دولار لي كنصدرو كل عام، غادي يخصك تخلص 3 ديال المرات باش تشري النفط و الغاز

وكل عام العجز التجاري كيتزد والمغرب كيزيد يغرق ف الديون ( الواردات الـ50 مليار دولار، الصادرات 28.8 مليار دولار)


بنادم عندو واحد النظرة طفولية للدولة و كيصحاب ليه غادية ب الهوا ، خصوصا بنادم لي كيتسنا باه أو مو يخلصو ليه القهوة ديالو ويدورو معه وهو عندو أكثر من 30 عام،

فكيتسنا الدولة ترضعو وتوكلو وتشري ليه الكارو و تعطيه خدمة فشي بلدية، وهادشي كيغطي على المطالب ديال بصح لي تقدر تنفع المواطن.


وي وكاين الفساد و سوء تدبير كبير وكاين اختلاسات، لكن الحل ديال هادشي ما شي بغينا حقنا من الفوسفاط، والشعارات الغبية،

الحل هو ديمقراطية ديال بصح، و ناس جداد يطلعو ب Governance جديدة مبنية على تعليم مزيان و خطة باش يحركو الإقتصاد لي خاص يكون إقتصاد حر ديال بصح

أما ما حد بنادم معشش ليه العنكبوت في دماغو، والجهل والإتكالية طاغية على تفكير الأغلبية،
ف وخا يفرقو عليك الفوسفاط ديال المغرب والبترول ديال السعودية والغاز ديال إيران وزيت أركان ديال سوس، والله لا طفرتيه

https://m.facebook.com/marouane53

موضوعات أخرى

10/07/2020 21:30

فصل جديد فالخلاف بين المغرب ومنظمة العفو الدولية.. رئيس الحكومة توصل برسالة من الأمينة العامة بالنيابة للمنظمة.. وها ردو عليها بعدما ماضمناتش الأدلة المادية لي طالبات بها الحكومة

10/07/2020 20:30

الحصيلة الوبائية لكورونا فالجهات والأقاليم: طنجة تطوان سجلات 85 إصابة بالفيروس و95 حالة شفاء.. والوفاة اللي تسجلات اليوم كانت فآسفي

10/07/2020 20:26

نايضة على الجريمة ففاس: توقيف أزيد 13 ألف شخص وحجز أزيد من 5 طن دلحشيش.. ولاية أمن المدينة: كاين انخفاض فمعدلات الجريمة