الرئيسية > آراء > ايلى دخل البام للحكومة راه الدولة كتأكد باللي الانتخابات كانت فاسدة ولا قبلوه الاحرار راهم كيأكدو باللي فرقو لفلوس
12/09/2021 17:00 آراء

ايلى دخل البام للحكومة راه الدولة كتأكد باللي الانتخابات كانت فاسدة ولا قبلوه الاحرار راهم كيأكدو باللي فرقو لفلوس

ايلى دخل البام للحكومة راه الدولة كتأكد باللي الانتخابات كانت فاسدة ولا قبلوه الاحرار راهم كيأكدو باللي فرقو لفلوس

كود هناء ابو علي ///

عبد اللطيف وهبي الامين العام لحزب الاصالة والمعاصرة او الوافد الجديد اللي جا للسياسة اتهم فتصريح لوكالة الانباء الفرنسية حزب التجمع الوطني للاحرار بتوزيع لفلوس.

وهبي قال وفق ما نقلته ا ف ب ” “أدلى الأمين العام لحزب الأصالة والمعاصرة المعارض عبد اللطيف وهبي بتصريحات مماثلة في الأيام الأخيرة. وقال الخميس =2 شتنبر= “نقصد حزب “التجمع الوطني للأحرار”، نتهمه بإغراق الساحة الانتخابية بالمال”.

حزب الحمامة خرج بيان وقال باللي غادي يتابعو بسباب هاد التصريحات.

دابا شفنا توافق التجمع الوطني للاحرار والاصالة والمعاصرة والاستقلال بخصوص رئاسة جهات المغرب 12 وكبريات المدن. هادي اصلا فيها مشكل. هي مؤشر على بداية تشكل تحالف حكومي يرأسه عزيز اخنوش اللي عينو الملك ول البارح رئيس حكومة مكلف بتشكيلها.

دخول البام لهاد الحكومة دليل على ان تصريحاتو حول استعمال لفلوس صحيحة. دليل كذلك ان اتهامو للاحرار بتوزيع لفلوس صحيحة.

دابا كلشي فالبام كيوجد يدخل. بالنسبة ليهم الباقي ماشي مهم. هادا هو المشكل. راه الدولة براسها كتعتارف بالتزوير ولفلوس ايلى دخل هاد الحزب ولا تفاوض باسمو هاد الامين العام اللي سميتو عبد اللطيف وهبي.

حزب حارب الاحرار بكاع انواع الاسلحة. اتهمو بكاع انواع الاتهامات. من مؤسسة جود ولفلوس والفساد ودار ضدو بيانات شي مع العدالة والتنمية وشي مع 4 احزاب اخرى. راه بزاف هاد الشي.

موضوعات أخرى

25/09/2021 11:00

آش هادشي وصلنا ليه؟.. طبيب أخصائي التخدير فـ صبيطار سانية الرمل فـ تطوان: غادي ننتاحر قدام صحابي نهار الإثنين – تدوينة

25/09/2021 10:00

ها علاش مستبعد امثال اوجار والمنصوري وغيرهم يستوزرو فالحكومة. اخنوش قبل عامين: ايلى ربحت الانتخابات نختارو وزراء من الكفاءات الشابة