الرئيسية > الزين والحداكة > ايفانكا ترامب تبوگصات بالزي التقليدي المغربي.. والمصممة فضيلة الگادي مقاداها فرحة -تصاور
07/11/2019 08:00 الزين والحداكة

ايفانكا ترامب تبوگصات بالزي التقليدي المغربي.. والمصممة فضيلة الگادي مقاداها فرحة -تصاور

ايفانكا ترامب تبوگصات بالزي التقليدي المغربي.. والمصممة فضيلة الگادي مقاداها فرحة -تصاور

نجوى المالحي- كود//

ايفانكا ترامب، بنت الرئيس الميريكاني دونالد ترامب ومستشارتو، وصلات البارح للمغرب، تحديدا العاصمة الرباط، في اطار زيارة غادي تدوم ثلاثة أيام، من أجل الترويج لمبادرة أطلقتها للتمكين الإقتصادي للنساء.

وشكرات ايفانكا، الاميرة لالة مريم على استقبالها الحار، عبر منشور حطاتو فحساباتها على مواقع التواصل.

وكيف العادة، ايفانكا كانت في كامل أناقتها، غير هاد المرة باللباس التقليدي المغربي، ولبسات جبادور من تصميم فضيلة الكادي، واحدة من المصممات المغربيات لي عندهم سمية في البلاد وخارجه.

واختارت بنت الرئيس الميريكاني اللون الرمادي في جبادور كيجمع بين الأصالة والمعاصرة، بين الفصالة والطرز، وجات وزينة.

اما المصممة فضيلة فهي بنت سلا، في صغرها كانت كتعلم الخياطة في العطلة، وملي مات باها وخوها سنة 1992 ولات عندها مسؤولية الاسرة ديالها، وهنا قررات تاخد من الخياطة مهنة.

بعد سنوات من الخدمة، قدرات دير اسمها، واليوم كانت فخورة أن لباسها وصل للعالمية بعدما لبساتو ايفانكا ترامب.

موضوعات أخرى

07/07/2020 21:30

دراسة على المغاربة فالحجر الصحي: 62 ماعجباتهمش القرايا من الدار و88 فالمية جاتهم الخدمة من الدار صعيبة و17 فالمية وقعو ليهم مشاكل عائلية