كود – كازا ///
قالت “إل جيورنالي” الإيطالية، أن مهاجر سري كيحمل الجنسية المغربية وعايش حالة تشرد هاجم، صباح الخميس 9 ماي 2024، بوليسي فمحطة لامبراتي فميلانو. البوليسي تقلى 3 ديال الطعنات وهزوه للصبيطار بين الحياة والموت وباقي اليوم السبت فحالة صحية حرجة بسباب خطورة الجروح..
وأضافت الصحيفة ذاتها، أن البوليسي دارو ليه عملية جراحية استمرات أكثر من سبع ساعات. المهاجم كيبلغ من العمر 37 عام، عندو سوابق إجرامية ومدوز الحبس. حرگ للطاليان إيطاليا ف 2002، وصادر بحقو 3 ديال أوامر الطرد من الطاليان بسباب جرائم تتعلق بالمخدرات وتخريب الممتلكات وممارسة العنف. وكان ديما خلال التوقيف ديالو كيقدم هويات مزورة.
وقبل الواقعة الاخيرة، تسجلات ضدو شكاية، الأحد 5 ماي، بسباب حيازة أسلحة بمحطة بولونيا، بعد ما هدد الموظفين ب زيزوار، وحاول يهاجم ضباط الشرطة اللي تدخلو باش يوقفوه.. أما الضحية فتدخل بلش يمنعو من التشيار بالحجر على الطرانات، بعدما تسبب ف إصابة امرأة عندها 55 عام بجروح، وتلقى 3 ديال الطعنات ف ظهرو..
موضوعات أخرى
جريمة مضحكة ف الصبليون.. جوج ديال الشفارة شفرو يخت وهوما يتلفو في وسط البحر
