كود- وكالات //

صادق مجلس الأمن الدولي التابع لـالأمم المتحدة، لبارح الأربعاء، على قرار كيطالب بـ“الوقف دغيا” للهجمات اللي كتقوم بها إيران ضد عدد من دول الخليج والأردن، بعدما تعرضات هاد الدول لعدة ضربات منذ بداية التصعيد العسكري فالمنطقة.

https://x.com/jasonmbrodsky/status/2031762538841493562?s=46

القرار كيدين حتى “أي عمل أو تهديد” من طرف إيران كيهدف لسدان الملاحة الدولية فـمضيق هرمز، اللي كيتعتبر واحد من أهم الممرات البحرية فالعالم لنقل النفط والتجارة الدولية.

وصوّتات 135 دولة لصالح هاد النص اللي تقدّمات به البحرين بدعم من باقي دول مجلس التعاون الخليجي، لي هوما المملكة العربية السعودية والإمارات العربية المتحدة والكويت وسلطنة عُمان وقطر، بالإضافة إلى الأردن.

وفنفس السياق، علنات سلطنة عُمان أن درون ضربات خزانات ديال الوقود فميناء  صلالة فمحافظة ظفار جنوب البلاد. ووضحات السلطات أن الدفاعات الجوية قدرات طيح عدد  من درونات أخرى، بلا متسجل حتى خسائر بشرية.