گود سبور//

راسلت ايران مع مصر الاتحاد الدولي لكرة القدم، باش يحيدو حفل تكريم “المثلية الجنسية” اللي قررت تديرو اللجنة المنظمة لكاس العالم 2026 “الميريكان وكندا والمكسيك”، فـ ماتش المنتخبين فـ مدينة سياتل الأمريكية يوم 26 يونيو 2026 ضمن الجولة الثالثة من دور المجموعات لبطولة كأس العالم 2026.

وحسب تصريح نشراتو جريدة “ماركا” الإسبانية عن التلفزيون الرسمي الإيراني، قال فيه رئيس اتحاد كرة القدم بإيران مهدي تاج: احتجينا حنا ومصر، وهذا قرار ماشي معقول وكايخدم مصلحة فئة معينة، وغادي نحلو المشكل بالتأكيد”.

من جهتو أعلن الاتحاد المصري لكرة القدم، انه رسل خطاب رسمي للاتحاد الدولي لكرة القدم، عبر فيه على الرفض ديالو إقامة حفل لدعم “المثلية الجنسية” فـ ماتش المنتخب المصري ضد ايران فـ مونديال 2026، مع العلم ان هذا الشي راه مازال متداول غير على وسائل الإعلام ومازال ما كاينة حتى شي حاجة رسمية.