كود كازا مصطفى الشاذلي ///

علمت “كود” باللي شركة “طاقة” الشهيرة مهتمة بالدخول فرأس مال نادي الوداد البيضاوي بجميع فروعه. فاللول كان الحديث على “البنك الشعبي” و”الخطوط الملكية المغربية” دابا ولات هاد الشركة الشهيرة ديال الطاقة او فرع الشركة الاماراتية فالمغرب واللي عندها استثمارات ضخمة، مهتمة باعرق اندية المغرب.

غير هو اللي كيعيق هاد التقارب على الاقل بداية المفاوضات هو رئيسها هشام ايت منة. هاد الرئيس اللي ما كيشرك حد فقرارات مصيرية للحمرا، كيشكل عائق للمفاوضات عوض ما يكون عامل مساعد. شخصيتو وانانيتو مخلية كاين تحفظ كبير فالتعامل معاه. يمكن الصفقة تنجح ايلى كان شي رئيس اخر.

ايت منة اللي ملايري بالورث ماشي بالاستثمارات واللي باع بزافت ممتلكاتو اللي كان ورثها على بوه وعكس خوه واحد اللي طور للي عندو، كان وعد الموسم للي فات جمهور الحمرا باهداف ما حقق منها حتى حاجة. دابا ايلى الحمرا ما ربحات حتى لقب غادي يخرج من الباب الصغير. باب عزيز عليه يخرج منو.