گود سبور//
اكد هشام ايت منة رئيس الوداد الرياضي، ان الدولي المغربي حكيم زياش ما غايقدرش يلعب مع الفريق حاليا فـ البطولة الاحترافية، ولكن ممكن يلعب معهم كاس الكونفدرالية.
وقال هشام ايت منة فـ تصريح صحفي: “حكيم زياش غادي يجي السيمانا الجايا للنادي وغادي يبدا التداريب ديالو، ونحاول نقيدوه باش يشارك فـ كاس الكاف، حيث بالنسبة للبطولة شويا صعيب، حيث فـ البطولة عندنا 3 الماتشات فـ هاد السيمانا اللي جايا، يعني امبوسيبل يشارك فيهم حيث ما عايكونش مطريني معرالفرقة، وللأسف من بعد كاينة لاضات فيفا، ومن بعد كاين كاس الكونفيدرالية ومن بعد غادي التوقف”.
وكمل ايت منة وقال: “باش نشوفوه فـ البطولة نورمالمون حتى ليناير، ولكن إلى قدرنا نكاليفيوه ممكن نشوفوه فـ كاس الكونفيدرالية فـ نوفمبر.. التقديم ديال زياش غايكون فـ التيران هذا الشي مؤكد، ولكن باش نشوفوه فـ الديربي او البطولة ديفيسيل، ابتداء من الخميس الجاي غادي يلتحق بالتداريب اما المشاركة فـ البطولة راه حتى ليناير ولكن فـ كاس الكونفيدرالية إلى قدرنا نقيدوه قبل 30 اكتوبر غادي يشارك فيها”.
