كود سبور//

عين هشام ايت منا رئيس الوداد الرياضي، الطاقم التقني الجديد للفريق الأحمر، اللي دارو فبلاصة الجنوب إفريقي رولاني موكوينا اللي قرر يجري عليه هو والطاقم ديالو.

وقرر هشام ايت منا تعيين طاقم مكون من من صاحبو امين بنهاشم كمدرب للوداد الرياضي بعدما دارو هادي 2 سيمانات مدير تقني، وفالطاقم التقني دار معه يوسف أشامي كمساعد أول، وابراهيم النقاش كمساعد ثاني، ودارو مروان مزيريرة كمدرب ديال الگوال، والسنغالي عبد الله سيك محلل ديال الفيديو، ومازال ما داروش معد بدني مع العلم ان المعد البدني من اساسيات الطاقم التقني لاي فريق.

غير هو السؤال المطروح هنا هو واش امين بنهاشم عندو التجربة وسيفي اللي يسمح له بتدريب فريق بحجم الوداد الرياضي وما بقى والو لانطلاق كاس العآلم للأندية.