الرئيسية > آش واقع > ايت الطالب بقرارتو زاد شعل العافيا وسط الأطر الطبية: غضب واحتقان غير مسبوق بسبب الحگرة لي حسو بيها الأطباء والممرضين
10/08/2020 18:30 آش واقع

ايت الطالب بقرارتو زاد شعل العافيا وسط الأطر الطبية: غضب واحتقان غير مسبوق بسبب الحگرة لي حسو بيها الأطباء والممرضين

ايت الطالب بقرارتو زاد شعل العافيا وسط الأطر الطبية: غضب واحتقان غير مسبوق بسبب الحگرة لي حسو بيها الأطباء والممرضين

كود الرباط//

يوم بعد يوم كيزيد الغضب يشعل وسط الأطر الطبية والصحية بالمغرب، هاد المرة بسبب تفشي كورونا وسطهم وغياب أي حماية ولا تحفيزات ليهم.

اطر ضحاو بالغالي والنفيس وكيعانيو، اليوم حسو بالحگرة ، وفق شهادات استقتها “كود” من عدة اطر.

فاس، مراكش، أكادير، الرباط،طنجة، العيون..وغيرها من المدن كلها صبحات كتغلي، دعوات للاحتجاجات وقفات من هنا ومن لهيه.

طريقة تدبير الوزارة للجائحة كانت كارثية وفق الاطر الطبية لي حسات بالحگرة خصوصا بعدما علنات الوزارة عن صرف منح اعتبروها قليلة بزاف ومهينة مقارنة بالخطر لي كيواجهوه.

دبا ايت الطالب بان بلي وزير غير قادر على تدبير الجائحة، خصوصا مع تفشي فيروس “كورونا” بعدد من المدن.

مسؤولين بالوزارة كاعين بزاف، تالفين ممتفقينش مع ايت الطالب، وكاين لي قدم استقلتو وكاين لي بغا ينساحب بهدوء.
ف كوفيد تعفاو بزاف ديال الاطر اما بسبب الاستقالات لي قدمو اما بسبب اعفاءات مباشرة بدون مبرر، كما حدث مع عبد المالك المنصوري، مندوب اقليم القلعة، لي تحدا ايت الطالب ورفع عليه دعوى قضائية باش يسقط قرار الاعفاء.

الغضب ديال الاطر الصحية والطبية باين واضح من تدوينات فالفايسبوك. وضعية كورونا خلاتهم ميديروش مسيرات كبيرة. ولكن الى الوضع مستمر يقدرو ف حركة احتجاجية وفق الاجراءات الاحترازية.

موضوعات أخرى

01/10/2020 21:30

حصيلة كورونا فالأقاليم والجهات اليوم: غير 4 دالمديريات اللي علنات على التفاصيل.. و1250 إصابة جديدة فكازا سطات.. وأعلى نسبة دالشفاء كانت فسوس لليوم الثالث