كود سبور//

قرب الدولي المغربي عز الدين اوناحي يرجع يلعب، بعد غياب بسبب الاصابة اللي جاتو فتداريب المنتخب الوطني المغربي فكاس أفريقيا اللي فاتت.

وحسب جريدة AS الإسبانية، فعز الدين أوناحي قرب يرجع يلعب مع الفريق ديالو جيرونا الإسباني، وهاد السيمانا غادي تكون حاسمة فقرار الطاقم التقني مع الطبي للفريق باش يرجع اللاعب المغربي يلعب.

نفس المصدر وضح انه كاين احتمال كبير يكون عز الدين اوناحي مع جيرونا فالماتش ضد البارصا الاثنين الجاي ضمن منافسات بطولة الصبليون، ولكن ماشي كأساسيّ حيث شحال هادي ما لعبش وغايقدر يدخل احتياطي.