الرئيسية > تبركيك > تاريخ. ها الدار اللي دارت فيها مفاوضات حكومة التناوب بين هاد المستشار الملكي وبين اليوسفي
27/06/2020 13:00 تبركيك

تاريخ. ها الدار اللي دارت فيها مفاوضات حكومة التناوب بين هاد المستشار الملكي وبين اليوسفي

تاريخ. ها الدار اللي دارت فيها مفاوضات حكومة التناوب بين هاد المستشار الملكي وبين اليوسفي

كود كازا ///

تشكيل حكومة عبد الرحمان اليوسفي او اللي ولات معروفة باسم “حكومة التناوب” داز بمراحل كثيرة. كانت مفاوضات شاركو فيها قياديين اتحاديين. احمد لحليمي اللي كان فيها وزير ودابا المندوب السامي للتخطيط كان عندو دور او صلة وصل بين اليوسفي وبين القصر.

لكن قليل اللي كيعرف دور مستشار ملكي. حسب مصادر مطلعة ل”كود” فان المستشار اندري ازولاي لعب دور كبير فهاد المفاوضات. بل انه٬ تقول مصادر “كود”٬ قاد مرحلة حاسمة من المفاوضات.

ازولاي كان كيفاوض مباشرة اليوسفي٬ يحكي مصدر “كود”٬ وكان الشي كان٬ يضيف مصدر “كود” في ڤيلا المدير العام للخطوط الملكية المغربية فداك الوقت مكوار.

هاد الفيلا كاينة ففكازا وكانت مفاوضات سرية ما كيشارك فيها الا المستشار الملكي مبعوث الحسن الثاني وعبد الرحمان اليوسفي يشرح مصدر “كود”. مكوار غير عارض وما كيحضر لحتى شي حاجة.

بعد ما وصل اليوسفي للحكومة كان ازولاي خرج فحوار مع “لوموند” ودخل فاختياراتو مزيان وهاد الشي قلق اليوسفي وصحابو اللي هاجمو المستشار.

الفيلم كيتعاود بطريقة اخرى ياك. وهادا هو المغرب.

موضوعات أخرى