كود طنجة ////

اهانة للصحافة والصحافيين فالمغرب هاد المرة فقطر. كان حدث “عرض ازياء القفطان” اللي تنظم نهار لاربعا 4 دجنبر 2024 بمتحف الفن الاسلامي بالدوحة فاطار سنة المغرب فقطر.

لفضيحة اللي وقعات ان وكالة فرنكفونية ما كتعرفش الصحافة فالبلاد قررات تدي غير الصحافة اللي كتكتب بالفرنسية تقريبا. صحافة ما كيقراها حد ما عندها تأثير وماشي صحافة متخصصة بحال “فام دي ماروك” او “نساء” او “اولا”.

الوزير بنسعيد مشى مع الوفد الصحافي ديالو فالبيزنس كازا الدوحة نهار لثلاث 3 دجنبر ورجع اليوم السبت 7 دجنبر 2024، بنسعيد نفى ل”كود” باش تكون وزارتو ختارت هاد الصحافيين.

هادا اللي ختار هاد العينة كيسوق باللي هادي هي الصحافة فالمغرب. النتيجة انو من غير الاعلام العمومي ما تسوقاتش الصحف لهاد النشاط اللي ترأساتو الأميرة للا حسناء والشيخة المياسة بنت حمد آل ثاني.

دابا هادو كيكذبو على من باش كل مرة كيسوقو لصحافة بحال هادي