كود كازا /// 

قبل قليل طاحت عمارة من 4 ايطاج بشارع العنق فكازا فتقاطعو مع شارع مولاي يوسف ماشي بعيد لا على عمالة انفا ولا سبيطار مولاي يوسف المغروف بسبيطار الصوفي. حسب شاهد عيان ل”كود” هاد الانهيار كان غادي يخلف مئات القتلى وفيهم سياح. هاد لبلاصة ماشي بعيدة على مسجد الحسن الثاني. السياح كيجيو يشربو قهوة او عصير او ياكلو شي سندويتش بعد او قبل زيارة المسجد. كاين جوج قهاوي معروفين قبالة العمارة. 

شاهد ل”كود” اللي ساكن فهاد الدرب قال باللي اللي نقد كلشي هو القايد “خدم مزيان. جا قبل ما طيح شي ساعة. خرج كلشي. خوا لقهاوي. الخدمة ديالو نقدات ارواح. راه كان يقدر يموت كثر من 100 واحد” يوضح مصدر “كود”.

بالفعل ديك لبلاصة فيها اكتظاظ كبير. شي مريح فلقهاوي شي غادي فالشارع. شي سايگ طونوبيلتو. 
حسب مصدر من جماعة انفا ل”كود” فحتى واحد ما مات فهاد الانهيار

تفاصيل عن اسبابو فموضوع اخر ف”كود”