كود هناء ابو علي الرباط ////

قبل المجلس الحكومي يوم امس الخميس بالرباط كان هناك اجتماع للاغلبية. اجتماع حضرته الاحزاب الستة بالاضافة الى وزيري العدل ووزير الدولة المكلف بحقوق الانسان وفق مصدر من الاغلبية. هنا بحال البارح وزير العدل قدم تقريرا على ما يحدث في الريف من اعتقالات وما نقلته عائلات المعتقلين عن اقتحام البيوت والعبث فيها والاعتداءات اثناء التوقيفات. باختصار جاوب على كيف تمت المساطر.

هاد الشي وفق وزير العدل حسب مصدر “كود” “احترمت فيه الضوابط المعمول بها”. غير هو الوزير وفق المصدر نفسه ل”كود” قال “على العموم الامور تمت تحت سيادة القانون” واحترام حقوق الانسان.

هاد كلمة “على العموم” كتشرح كلشي. يا سي وزير العدل ومعاه وزير الدولة المكلف بحقوق الانسان ما كاينش فالدول الديموقراطية عبارة “على العموم” غير احترم تطبيق القانون ام لم يحترم. هاد الشي للي قلتيه فاجتماع الاغلبية كيعني لم يتم احترام المسطرة. كيفاش على العموم. وفينك اوزير حقوق الانسان واش هاد الشي كيجيك عادي. واش مازال سنوات وحنا كنتكلمو على الانتقال الديموقراطي ومازال هاد الكلمة “علي العموم”.

دابا هاد الحكومة على من كتضحك. كاين فيديوهات لام الزفزافي وغيرها وكاين فيديوهات خراين كيبينو كلشي بتعبير واضح كيفضحو كلشي