كود هناء ابو علي ///
علمت “كود” ان قضية اخري ديال بيي المونديال القطري غادية تفتح عندها علاقة بالمونديال الاخير فقطر وهي قضية كتهم وكالات الاسفار . حسب مصادر “كود” كانت حوايج فشي شكل فهاد القضية. وكالات الاسفار شراو تقريبا 35 الف تذكرة فهاد المونديال وكانو دايرين باكيدج للمغربي والمغربية ب57 الف درهم فيه ذهاب واياب واقامة والدخول للملعب.
طبعا ايلى حدود الان كلشي عادي٬ اللي ماشي عادي هو استفادة وكالات اسفار من بيي ب5 الاف درهم ذهاب واياب كانت خصصاتو الحكومة للجمهور باش يشجع.
الحكومة خلصات الفارق فالتذكرة للارام باش يمشيو يشجعو الاسود ماشي باش يمشي منهم لوكالات الاسفار اللي ما نقصاتش من الثمن
