كود – وكالات//

وقع انفجار كبير اليوم فالصباح فمصفاة ديال النفط التابعة لشركة فاليرو إنرجي فمدينة بورت آرثر بولاية تكساس فـمريكان، وتبعاتو عافية كبيرة دخلتها وصل للسما ، البوليس المحلي نصحو السكان، خصوصاً اللي ساكنين فالجهة الغربية من المدينة، يبقاو فديورهم وما يخرجوش مؤقتاً حتى يتأكد الوضع ويكون كلشي آمن.

السلطات المحلية ووسائل الإعلام قالو حتى لدابا ما تسجلات حتى إصابات. الدخان ورائحة الكبريت خلاو  السكان يخافو من خطورة الحادث .

شهود  قالو إن الانفجار كان قوي بزاف لدرجة حسّو بيه الناس فديويرهم، حتى لدابا مزال ما علنات سلطات تكساس اسباب الإنفجار واش داخلي ولا خارجي .