گود سبور//

عبر السويسري جياني انفانتينو رئيس الاتحاد الدولي لكرة القدم، على الفرحة ديالو بالاستقبال الملكي اللي كان حاضر فيه البارح الجمعة، بمناسبة عيد العرش، وأكد ان كاس العالم 2030 غادي يكون احسن مونديال فالتاريخ، حيث منظم فالمغرب.

وقال انفانتينو فتصريح له: “شرف كبير ليا نكون حاضر بمناسبة عيد العرش للاحتفاء بهذا البلد العظيم، المملكة المغربية والملك محمد السادس والشعب المغربي، وملي كانجي للمغرب كانحس براسي فداري”.

وكمل رئيس الفيفا، وقال: “نظمنا كاس عالم واعرة فالميريكان وكندا والمكسيك، وكاس العالم اللي جايا المئوية غادي نظموها فالمغرب، وانا فرحان بهذه الشي حيث عارف أن المغاربة كايبغيو الكورة وغادي يضايفو العالم كامل فمونديال 2030، اللي غادي تكون احسن مونديال فالتاريخ، حيث غادي تكون فأجمل بلد”.

واستقبل الملك محمد السادس البارح الجمعة بمناسبة الذكرى 27 لعيد العرش، عدد من الشخصيات المغربية والأجنبية، من بينها رئيس الاتحاد الدولي لكرة القدم جياني انفانتينو.