كود سبور//

كاينين 2 لاعبين مغاربة فلاليست ديال ريال مدريد اللي تم الإعلان عنها قبل لحظات من اليوم السبت استعدادا لمواجهة سيلتا فيگو، فماتش الفريقين غدا الاحد برسم الدورة 34 من بطولة الصليون.

وحاضر فلاليست ريال مدريد ضد سيلتا فيگو، النجم براهيم دياز، ويوسف لخديم اللي قرر كارلو أنشيلوتي مدرب الريال يطلعو من ليسبوار إلى الفريق الاول، حيث خاصهم مدافعين بسبب النقص اللي عندهم نتيجة الاصابات عند اللاعبين.

وكانت جريدة “ماركا” الإسبانية قالت فوقت سابق أن كارلو أنشيلوتي نواي يعتمد ضد سيلتا فيگو على لاعبين من ليسبوار من بينهم يوسف لخديم بسبب الاصابات فالفريق.