كود سبور//

واجد الدولي المغربي اشرف حكيمي باش يلعب مع باريس سان جرمان ضد بريست غدا الثلاثاء ضمن منافسات دوري أبطال أوروبا، وهذا الشي بعدما غاب الفريق ضد موناكو الجمعة الماضي، ولكن كان حاضر فالتيران قبل الماتش خلال الإعلان عن تمديد العقد ديالو مع النادي إلى 2029.

وأكد الإسباني لويس انريكي مدرب باريس سان جرمان، خلال الندورة الصحافية قبل ماتش PSG وبريست ان اشرف حكيمي واجد للمباراة، وجاوب ملي توجه السؤال على واش النجم المغربي جاهز، وقال وقال هو مطمن على افضل ظهير ايمن فالعالم: “نعم”.

وكان اشرف حكيمي غاب على ماتش باريس سان جرمان وموناكو الجمعة الماضي ضمن بطولة فرنسا، وكان قال انريكي انه ما عندوش شي حاجة خطيرة ولكن اللاعبين كايقاو يمرضو مع الجو اللي كاين فهاد الوقت، في إشارة إلى انه ضاربو البرد.