كود – سعيد الشاوي – كازا ///
واحد عامل سابق للجديدة اسمو محمد الكروج طلع انتهازي كبير. هاد المسؤول الفاشل السابق فالجديدة اللي عطاوه يكون مدير عام للوكالة الوطنية لتقنين القنب الهندي، غير سيدنا خرج عفو على مزارعي الكيف البارح بمناسبة ثورة الملك والشعب، وهو يخرج فالإعلام وركب على القضية.
الگروج اللي كيحتاقر الإعلام وما كتواصلش بحال ايلى هاد الوكالة ديال بوه، قال بلى ما يحشم، باللي العفو الملكي عن المدانين أو المتابعين أو المبحوث عنهم في قضايا متعلقة بزراعة القنب الهندي سيمكن من انخراط مكثف للفلاحين والمنتجين والمزارعين في مسار تقنين القنب الهندي، بالنظر إلى خبرتهم في هذا المجال.
وزاد فتصريح خرجاتو “لاماب” باللي هاد العفو على اكثر من 4 الاف مزارع او عندو ارتباط بزراعة الكيف، كيشكل “مرحلة مفصلية” و”نقطة تحول نحو القطع مع الزراعات غير المشروعة” وتعويضها بزراعات مشروعة وأنشطة بديلة.
انت معين باش تخدم ماشي تستغل اي حدث وتركب عليه. خدمتك ما كديرهاش فهاد الوكالة كيف ما درتيهاش باش كنتي عامل فالجديدة وطلعتي فاشل
