گود سبور//

كاتقول المؤشرات ان حسم صفقة انتقال الدولي الاسباني رودري من مانشستر سيتي النگليزي للبارصا خلال الساعات القليلة المقبلة، غادي يحل الطريق لحسم صفقة انتقال الدولي المغربي الشاب ايوب بوعدي من ليل الفرنسي للمان سيتي.

وكشف الإعلامي الطالياني فابريزيو رومانو المتخصص فانتقالات اللاعبين والمدربين فأوروبا، انه تم التوصل إلى اتفاق الشروط الشخصية ما بين ايوب بوعدي ومانشستر سيتي، وان اللاعب المغربي غادي يسني هذا الصيف، وماشي حتى لصيف 2027، وقيمة الصفقة واصلة لحوالي 100 مليون اورو.

مدرب مانشستر سيتي هضر فتصريح له بعد خسارة فينال مسابقة درع المتجمع النگليزي مع أرسنال بنتيجة 3-0، هضر على ايوب بوعدي، وقال عليه: “هو مازال لاعب ديال ليل، ولكن بحال كل صفقة جديدة، كلما كانت دعيا يكون حسن، حيث غادي نبداو بطولة النگليز من هنا لسيمانا”.