الرئيسية > آش واقع > انتصار للفيمينزم.. بعد تصويت تاريخي فمجلس الشيوخ فرنسا ولات أول دولة كتضمن حق الإجهاض بالدستور
02/03/2024 13:30 آش واقع

انتصار للفيمينزم.. بعد تصويت تاريخي فمجلس الشيوخ فرنسا ولات أول دولة كتضمن حق الإجهاض بالدستور

انتصار للفيمينزم.. بعد تصويت تاريخي فمجلس الشيوخ فرنسا ولات أول دولة كتضمن حق الإجهاض بالدستور

اسماء غربي – كود//

بعد تصويت تاريخي فمجلس الشيوخ، فرنسا ولات أول دولة كتضمن حق الإجهاض بالدستور.

نتائج التصويت كانت مفاجأة فظل حالة من التردد بين بزاف د البرلمانيين الجمهوريين اللي كيهيمنو على مجلس الشيوخ. وحصل مشروع القانون على 267 صوت لصالح “الإنهاء الطوعي للحمل” مقابل 50، دون اللجوء إلى تعديل نص الحكومة الفرنسية، وهادشي كيدل على أن جزء كبير من البرلمانيين الجمهوريين بدلو آراءهم لصالح المشروع.

الحركات النسوية شافت أن هاد الحق مهدد فأي وقت وهادشي كيبرّر وكيفرض إدخاله فالدستور باش يولي حق أساسي لا يمكن الرجوع فيه.

تصويت مجلس الشيوخ أثار ردود أفعال مرحبة من عند الحكومة واليساريين اللي أيدوا بإجماع مشروع القانون إضافة إلى المنظمات النسوية اللي اعتبرت التصويت انتصار للمرأة.

الرئيس إيمانويل ماكرون كان تعهد في 8 مارس 2023 إدراج الإجهاض فالدستور، استجابة للمخاوف اللي سببها إلغاء الحق فمريكان اللي كيضمن للأمريكيات الحق فالإجهاض.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه