كود سبور//

تأهلو انتر ميلان من الطاليان لفينال دوري ابطال اوروبا، بعدما ربحو اليوم الثلاثاء البارصا من الصبليون فماتش واعر فروتور الدومي فينال.

وسالا الماتش بين انتر ميلان والبارصا فالطاليان بنتيجة 4-3، وماركاو انتر 2 بيوتا فالشوط الاول، ورجعو البارصا بريمونتدا فالشوط الثاني وماركاو 3 البيوتا، قبل ما يماركيو انتر هدف التعادل، ومشاو الفراقي بجوج للأشواط الإضافية فين قدرو انتر يماركيو الهدف الرابع ديال الرباح والتأهل، مع العلم ان ماتش الذهاب فالصبليون سالا بالتعادل 3-3، ومجموع نتيجة الماتشات بجوج 7-6، كايعطي التأهل لانتر.

وغايتسناو انتر ميلان دابا ماتش الدومي فينال بين باريس سان جيرمان وأرسنال غدا الاربعاء ففرنسا، باش يعرفو مع من غايلعبو الفينال، مع العلم ان باريس سان جرمان ربحو الالي فنگليز بواحد لزيرو.