الرئيسية > featured > انتخاب مكتب جديد لجماعة الرباط فأجل 15 يوم..مصدر لـ”كود”: كاين توجه لإبعاد للي عندهم تضارب المصالح وشبهات فساد من المسؤولية
01/03/2024 16:30 featured

انتخاب مكتب جديد لجماعة الرباط فأجل 15 يوم..مصدر لـ”كود”: كاين توجه لإبعاد للي عندهم تضارب المصالح وشبهات فساد من المسؤولية

انتخاب مكتب جديد لجماعة الرباط فأجل 15 يوم..مصدر لـ”كود”: كاين توجه لإبعاد للي عندهم تضارب المصالح وشبهات فساد من المسؤولية

كود الرباط//

بعدما حطات اسماء اغلالو، سوارتها واستقلت من منصب عمدة الرباط، بدا النقاش حول كيفاش غايتم تدبير ما تبقى من الولاية الحالية اللي ضاع منها اكثر من عام ونص غير فالخلافات وقطع ليا نقطع ليك بين العمدة السابقة اغلالو والمستشارين ونوابها.

حسب مصدر “كود” فكاينا 15 يوم ديال تدبير المكتب ديال مجلس الجماعة بتصريف الاعمال الى حين قبول استقالة العمدة من طرف السلطات الوصية، بحيث غاتبقا اغلالو كتسير الى ذلك الحين، وفحالة غيابها كيسير النائب الأول ومدير المصالح حتى تسالي مدة تصريف الاعمال وبعدها غايتم انتخاب مكتب جديد.

وحسب مصدر من الاغلبية لـ”كود” كاين توجه باش يتم تغيير كلي للمكتب المسير للجماعة، من خلال ابعاد المشتبه فيهم في ملفات فساد وللي عندهم تضارب مصالح واضح، إضافة إلى أن “الداعمين للعمدة اغلالو.. منهم جوج مقربين منهم عندهم تضارب مصالح وكاين واحد المستشار معروف بلي عائلتو كاملة توظفت وترقات فالوظائف ديال الجماعة”.

أول الضحايا ديال سقوط اغلالو، هو النائب ديالها كمال العمراني، لللي عليه شبهة تضارب مصالح بحيث انه مسؤول فريضال وفي نفس الوقت نائب العمدة ومستشار الجماعة لي عندها كونطرا مع فريضال، اضافة إلى شبهات حول شي دبلومات حطهم فريضال.

ثاني الساقطين من التشكيلة المقبلة لمكتب جماعة الرباط، هو حسن تاتو، اللي بقا مع اغلالو حتى للدقائق الاخيرة. تاتو فلاليست نوار ديال الاغلبية وغادي يبعدوه من التسيير.

اما بخصوص شكون يكون العمدة، فالتوجه ديال قيادة حزب الاحرار هو تبقى المرأة التجمعية على رأس المجلس الجماعية، بحيث تروج اسم فتيحة المودني بقوة، نظرا للكفاءة لي عندها واسلوبها السلس فالتعامل مع جميع الاطراف سواء السلطة أو الأحزاب اغلبية ومعارضة.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه