كود سبور//

طلع عبد السلام بوعاز رئيس جديد لعصبة فاس-مكناس لكرة القدم، فجمع عام انتخابي الجمعة 30 ماي 2025، كانت الفوضى والروينة حي العنوان البارز ديالو.

وقدر عبد السلام بوعاز ياخد اكبر عدد من الأصوات فهاد الجمع العام الانتخابي، بعد 13 ساعة من المضاربة والفوضى وقليب الطوابل، وبالمقابل قرر المرشح عماد المراكشي الانسحاب من الترشح للرئاسة بسبب الاحداث اللي عرفها الجمع العام، وبقاو 2 لوائح متنافسين واحدة ديال بوعاز وأخرى ديال حكيم الرحماني.

ونجح عبد السلام بوعاز وخدا 99 صوت، مقابل 57 صوت لحكيم الرحماني، وطلع بوعاز بهذه النتيجة رئيس جديد لعصبة فاس-مكناس.