الرئيسية > آش واقع > انتخابات 2021: هادي مبررات المقاطعين
03/09/2021 13:30 آش واقع

انتخابات 2021: هادي مبررات المقاطعين

انتخابات 2021: هادي مبررات المقاطعين

كود الرباط//

فالوقت اللي كتستعد فيه غالبية الأحزاب السياسية المغربية للانتخابات التشريعية والجماعية المقررة يوم 8 شتنبر، بعض التيارات السياسية باقا على نفس الموقف ديال مقاطعة الانتخابات منذ سنوات، ومتغيرش.

تيار المقاطعين، كتزعمو جماعة والاحسان، واللي عطات مبررات على موقفها ومنها حسب تصريحات كل من عبد الواحد التوكل رئيس الدائرة السياسية للجماعة و القيادي حسن بناجح على الموقع الالكتروني الجماعة:

اولا// السلطات بيد القصر، اما المنتخبين عندهم هامش قليل ديال المسؤولية.

ثانيا// الانتخابات فالمغرب عندها اعطاب بنيوية، منها انها مكتعطيناش مؤسسات نابعة من الارادة الشعبية وتكون عندها سلطة على السياسة والاقتصاد وعلى الثروة.

ثالثا//  ربط المسؤولية بالمحاسبة مكاينش.

رابعا// الشعارات اللي كترفعها الاحزاب فكل الانتخابات مكطبقش فالواقع، ومنها شعار ترفع ف 2011 وهو محاربة الفساد والاستبداد.

خامسا// استمرار مصدر الإشكال وهو زواج السلطة بالثروة وغياب الشفافية والمحاسبة واستشراء الريع .

سادسا// التزوير المباشر وغير المباشر  والتحكم فالنتائج عبر انماط الاقتراع.

سابعا// الحياد السلبي للسلطة والبلقنة والتحكم في النتائج مع هاد القاسم الانتخابي الجديد والغاء العتبة.

وهاد المبررات ديما كتعاودو.

 

موضوعات أخرى

19/09/2021 13:30

الإبراهيمي كيضم صوتو للمغاربة لي عياتهم احترازات كورونا المشددة: جا وقت رفع القيود.. هادشي كيفقدنا بعضا من مصداقيتنا ويطعن فمقاربتنا العلمية