الرئيسية > آش واقع > انتخابات 2021.. بنعبد الله فحوار مع “كود”: المال طغا وعندنا معطيات على شراء المرشحين.. واذا شاركو ناس بزاف حزبنا غايفوت 30 مقعد
31/08/2021 18:30 آش واقع

انتخابات 2021.. بنعبد الله فحوار مع “كود”: المال طغا وعندنا معطيات على شراء المرشحين.. واذا شاركو ناس بزاف حزبنا غايفوت 30 مقعد

انتخابات 2021.. بنعبد الله فحوار مع “كود”: المال طغا وعندنا معطيات على شراء المرشحين.. واذا شاركو ناس بزاف حزبنا غايفوت 30 مقعد

أجرى الحوار : هشام أعناجي ــ كود الرباط//

يرى محمد نبيل بنعبد الله، الأمين العام لحزب التقدم والاشتراكية، أن “المال السياسي طغى في هذه الاستحقاقات الانتخابات بشكل كبير مقارنة مع انتخابات 2016″، موضحا أن “هناك عملية شراء المرشحين بمبالغ مالية ضخمة”.

وأوضح بنعبد الله، في حوار مع “كود”: “خاص ناس تشارك وتعبر على الرفض والسخط ديالها، عبر التصويت ضد رموز الفساد وتبرزو ناس اللي كتشوفوهم بديل فحال التقدم والاشتراكية”.

واليكم نص الحوار:

“كود”: علاش ختاريتي ترشح فالرباط وبالضبط فدائرة الموت المحيط؟

بنعبد الله:

انا ولد الرباط، وقريت فيها الى حدود الباكالوريا، إضافة إلى مساري السياسي كامل دوزتو فالعاصمة، ومسار الحزبي كذلك، إضافة إلى علاقاتي مع السكان وعدد من الاحياء اللي كنتواصل معهم، لذلك قررت نترشح.

إضافة إلى هادشي أعضاء الحزب محليا طلبو مني نترشح، وانا ترددت كثيرا لأنه انا المسؤول على الحزب وطنيا وكنتابع الحملة في كل الدوائر ونشوف مع المطبعة وغيرها من الامور اللوجستيكية.

لذلك انا على يقين، بأنه اذا شاركو المواطنين في التصويت، ويعبرو على رفضهم لواقع معين بالتصويت ويناهضو عالم المال والفساد.

“كود”: فدائرة المحيط نتا غادي تواجه وتنافس مع رئيس حكومة اللي حزبو عندو قواعد فالرباط، وكيجيب اصوات كثيرة، كيفاش غاتواجه هاد الحزب اللي عندو “الخلايا النائمة” كيف سميتها واحد الوقت؟

بنعبد الله:

أولا منازلاش ضد شي حد، هاد الدائرة فيها 4 مقاعد، وحزبنا نزل باش يربح مقعد من ضمن هاد المقاعد، معندناش مشكل مع حد.

بخصوص العدالة والتنمية كان مشكل سياسي في فترة مغادرتنا للحكومة اللي كانت متضاربة، وهذا لا يمنع أنه متكونش علاقة ودية مع العدالة والتنمية كباقي الاحزاب الوطنية الأخرى.

انا فجميع الحالات داخل بثقة كبيرة وارادة نفوزو، ومتفائل جدا، وحتى اذا مكانتش نتائج مزيانة وخسرت الانتخابات فأنا مناضل غانرجع ناضل فالحزب ديال وندير التأطير السياسي.

“كود” مقاطعا: كنشوفو ظاهرة غريبة هي أن فاش شي حزب كيحس بالفشل الانتخابي كيتهم جهات أو حزب آخر باستعمال المال؟

بنعبد الله: اليوم المال طغى فالدوائر بشكل عمرو مكاين.. وكثر من 2016 مضروبة ف عشرة ولا 20 مرة. اليوم كاين شراء المرشحين بتقديم مبالغ مالية خالية، وهادشي عمرو ما كان فالدوائر المحلية، واستعمال وسائل للترويج بمبالغ مالية خيالية.

“كود” مقاطعا : عندكم معطيات وأدلة بخصوص استعمال المال؟

عندنا معطيات واضحة تتعلق بشراء المرشحين ماشي شراء الاصوات، عبر تقديم مبالغ مالية خيالية. هادشي كنقولوه بصريح العبارة: هناك تجاوز كبير فهادشي.

هادشي مكيخلعناش والناس عارفا شكون اللي جدي واللي ماشي جدي.. وعارفين فين كاين تضارب المصالح وفين كاين المناضلين. اذا بغيتو نبنيو مستقبل بنموذج تنموي جديد، خصنا احزاب قوية وفضاء سياسي حقيقي.

“كود”: بالرجوع للترشح ديالك، نتا كتقول متفائل جدا بالفوز فدائرة الرباط، واش معول على القاسم الانتخابي؟

بنعبد الله:

بالنسبة للقاسم الانتخابي لا يهمنا مباشرة في هذه الدائرة، ويمكن يكون مفيد للأحزاب الأخرى، بحيث أننا ضمن الأحزاب الأربعة الأولى المرشحة بالفوز بالمقاعد.

“كود”: كيفاش بغيتو تقنعو ناس طالع ليها الدم من السياسيين ومن كولشي وزيدها كتعاني من تداعيات الجائحو؟

بنعبد الله:

ناس عيات وساخطين من هادشي لي واقع فالحياة السياسية وهاد الانحباس السياسي ومع الوضع الاقتصادي والاجتماعي وتداعيات كوفيد. ناس بغات بديل حقيقي وبغات احزاب عندها مصداقية، لذلك مبقاتش ثايقة ومبغاتش تصوت.

لذلك انا كنقول خاص ناس تعبر على الرفض ديالها للواقع السياسي الحالي عبر التصويت العقابي.

كاين جمهور تابع للعدالة والتنمية معروفين، عندهم اصول دينية، وكاين ناس تابعين الفلوس للاسف، وكاينا اغلبية ديال الناس باغين الحياة وباغين كرامتهم ، هادو خصهم يصوتو.

6 الى 8 مليون من اصل 18 مليون مسجلة، الى صوتو غير شويا منهم يقدرو يخلقو المفاجأة ومن تما ممكن حزب التقدم والاشتراكية يحقق نتائج مهمة.

“كود”: حزبكم كان دائما كيخلق نوع من التوازن السياسي وسط الحكومة، واحيانا يوصف بالحزب الوحيد اللي باقي كيرفع شعارات الديمقراطية والعدالة والتنمية، واش باقي هاد الحزب على صباغتو؟

بنعبد الله:

بكل صدق حزب التقدم والاشتراكية يستحق فرصة للعودة بقوة، وانا مشيت لعدد من الاحياء منها الشعبية في كل من الرباط والدار البيضاء، كنشوفو تفاعل مهم للناس معانا، لكن المشكل هو كيفاش نترجمو هاد التفاعل لواقع ديال التصويت.

اذا تم التصويت بكثافة بإمكانك نغيرو بزاف.. وخصكم تعرفو بلي حزبنا هو الوحيد لي دفع ثمن دفاعو على فكرة الديمقراطية والحريات الفردية والجماعية.

من هو الحزب الذي يدافع على قضايا اجتماعية حقيقية، تعليم عمومي قوي، وصحة عمومية قوية، والاقتصاد القوي بحضور قوي للمقاولة.

“كود”: حزبكم تعرض لضربات في الفترة السابقة عبر اعفاءات لوزراء من قيادات الصف الأول، واش باقي معولين على هاد الوزراء المعفيين فالحملة الانتخابية؟

بنعبد لله: وزرائنا كانو مزيانين فالتدبير، وعطاو نتائج جيدة، والمواطنين كينوهو بهم، مثلا الكلام على الحسين الوردي، شرفات افيلال، امين الصبيحي، اسماعليل العلوي، سعيد السعدي، نزهة الصقلي، عبد الواحد سهيل، خالد الناصير، وانا من بينهم.. كان عندهم أداء طيب..

“كود”: شنو توقعاتكم لعدد المقاعد لي تقدرو تجيبو؟

توقعاتنا كتعطي ما بين 25 تال 30 مقعد.. اقل ما يمكن ان نطمح اليه.

لكن اذا كان التصويت بكثافة، وقرروا ناس يخرجو من العزوف، اعتقد ان التقدم والاشتراكية يمكن يتجاوز 30 مقعد.

موضوعات أخرى

19/09/2021 22:00

الفراقي المغربية تعرفات على خصومها فالمنافسة الإفريقية.. الوداد والرجاء ضد هاد الفريقين.. والجيش وبركان ف مواجهة مغاربية خالصة