كود -Dailymail//
المحلات الغالية فبريطانيا، خصوصاً فمناطق راقية بحال ساري وويمبلدون، ولات كتعاني بزاف من السرقة المنظمة اللي كيديروها عصابات ديال العيالات، لي كيستعملو طرق ذكية ومعقدة باش يسرقو، كاميرات المراقبة بينات كيفاش كيتشفرو بياسات ساويات بحال صيكان اليد، كيف ما بينات كاميرات بلي خطط السرقة كتكون مدروسة باش يستغلو أي ثغرة فالأمن ديال المحلات.
https://www.facebook.com/share/v/1DDLN5Jr6E/
اللي كيخلي الوضع خطير هو استعمال دراري الصغار، وبعض المرات حتى اللي مازال ما كملوش 10 سنين، باش يلاهيو المحلات ويسهلو عملية السرقة، اخر حالة كانت ديال واحد البنت صغيرة معها واحد المراة لي خبات تحت العباية صاك ساوي 6000 جنيه استرليني. مالين المحلات كيقولو باللي هاد دراري كيتستغلو من طرف العصابات الإجرامية.
مولات المحل ”بايج مينجرز “ عبرات على القلق ديالها من هاد الظاهرة اللي كترات، وقالت باللي السلعة ديال الجلد والغالية ولات عليها العين حيت ثمنها طالع، وبزاف ديال الناس كيشوفوها همزة ديال السرقة، هادشي خلا التجار يزيرو الإجراءات، وينظمو دخول الكليان ويركبو كاميرات جداد.
موضوعات أخرى
واش غادي يلعب نيمار ضد المغرب فالمونديال؟ ها جواب مدرب البرازيل
مدرب واتفورد: معمّا برا وباغي يدير بلاصتو فالمنتخب المغربي فكاس العالم
حتى لاعب فليفار عاقبوه الكاف بسبب المنشطات
