وكالات //

تصدمو الموظفين ديال واحد البنك كاين فمدينة ريو ديجانيرو البرازيلية مللي جابت كليانة ديالهم واحد الجثة باش تاخذ كريدي  بالاسم ديالها.

وبين فيديو صورة واحد من الموظفين اللحظة لي كتحاول فيه السيدة تقنع الجثة باش تسني شي وريقات، وهو الأمر لي خلاهم يعيطو على البوليس.

على حساب مقال الجورنال ديال “ديلي ميل” البريطاني، ف البوليس شدو المراة لي دارت هاد الخطوة الغريبة ولي سميتها  “إريكا دي سوزا فييرا نونيس”.

وعلنو البوليس أنهم حلو أونكيط فهاد القضية ودابا غاد يشرحو الجثة لي تبين ليهم أن الأمر كيتعلق بولد خوها الشقيق.