الرئيسية > آش واقع > امتحانات الباك بدات اليوم.. القلاّعة موجودين وخا كاين المراقبة والأساتذة كيحضيو بلا تعويضات
08/06/2021 08:20 آش واقع

امتحانات الباك بدات اليوم.. القلاّعة موجودين وخا كاين المراقبة والأساتذة كيحضيو بلا تعويضات

امتحانات الباك بدات اليوم.. القلاّعة موجودين وخا كاين المراقبة والأساتذة كيحضيو بلا تعويضات

أحمد الطيب – كود الرباط//

ككل سنة القلاعة كيديرو مابغاو في الامتحانات ديال البكالوريا وخا وزارة التربية الوطنية بتنسيق مع الأكاديميات الجهوية للتربية والتكوين كيدرو المجهود واللّي عليهم. هادشي كيبان من خلال تسريب الامتحانات على مواقع التواصل الاجتماعي.

وخا داك الامتحانات تسرب بعد الموعد الرسمي على انطلاقها لكن كيفاش هادشي كيوقع؟. مهتمين بالشأن التربوي أوضحوا أن هادشي يتكرر بسبب ضعف المراقبة داخل مراكز الامتحان، مضيفا بالقول: “علاش مكاينش التقلاب؟، كيفاش الهاتف كيدخلو لهاد المراكز باش يتم تصوير الامتحان داخلها؟”.

مصدر من إحدى الأكاديميات الجهوية للتربية والتكوين أوضح أنه يتم حجز التليفونات ومجموعة من المعدات الإلكترونية اللّي كتستعمل ف الغش، وأقر في نفس الوقت أنه من الصعب جدا ضبط كولشي بسبب ضعف عدد من الإمكانيات.

مسألة أخرى كتخلي الأساتذة اللي كيحضو هاد الامتحانات محبطين وهادشي كيساهم ف الغش. فحسب أستاذ بمدينة الرباط لـ”كود” فإنه يتم إجبار الاستاذة باش يحرسو ف الامتحانات دون أن يحصلو على شي تعويضات، عكس المسؤولين ديال على تدبير هاد الامتحانات بوساء ف الوزارة أو الأكاديميات.

امتحانات الباك كيف قالو مهتمين بالشأن التربوي لـ”كود” خاصها إعادة النظر ف عدد من النقط الأساسية. خاص استراتيجية جديدة ماشي باش غادية بها الوزارة هادي سنوات طويلة. هاد الاستحقاقات مافيهش جديد على باقي السنوات.

موضوعات أخرى

12/06/2021 12:20

الجنرال “حرمو” للجدارمية: خاص الرفع من جودة العلاقة مع السلطات القضائية والفعالية فـ تدبير الأبحاث واحترام الحقوق والحريات

12/06/2021 12:00

بعد كثر من عام ديال السدان.. محمد الجم دشن المسرح فالمغرب ب”جا وجاب” وصرح لـ”كود”: العرض داز مزيان والحضور كان كبير – فيديو

12/06/2021 11:30

بسباب كورونا.. السعودية فرضات يكون غير 60 ألف حاج هاد العام.. والوزير التوفيق لـ”كَود”: غادي نخرجو بيان ديالنا فهاد الموضوع

12/06/2021 10:00

هذ العام الغش فالباك على الجهد.. تلميذة فأوديو كتبكي حيت كَاع اللي معاها نقلو.. ونقابي لـ”كود”: الردع ماكافيش والمنظومة فاسدة.. ورئيس فيدرالية الآباء لـ”كود”: خاص توعية