وكالات//

صحيفة The Times البريطانية قالت بللي غياب الروس على موسم السياحة هاد العام بالنسبة للبريطانيين دار معاهم لمزيان، والناس لي مازال محجزوش باش يسافرو ويدوزو العطلة ديالهم الصيفية، غيكون عندهم الزهر حيت كلشي غيكون ناقص الثمن.

جوليا لو بوي سيد، من مجموعة Advantage Travel Partnership للسفر قالت إن الروس ملي مسافروش، هادشي  تسبب بصورة مباشرة فتراجع الأسعار ونسب حجز أماكن الإقامة والرحلات الجوية في الأسواق.

وهاد تهديدات ديال الإضرابات المستمرة  ففصل الصيف اللي كينظموها المراقبون الجويون فأوروبا، غاديا تخلي الشركات السياحية تنقص من الأسعار حيت هاد العام ناس مقدروش يخلصو تكاليف سفر لي كانت غالية بزاف.