مصطفى المزابي -كود سطات//

بعد استيراد اللحوم الحمرا من الخارج لتغطية الخصاص فهاد المادة الحيوية بعد ما وصل ثمنها بإقليم سطات لـ100 درهم لكيلوغرام، سولات “كود” بعض محلات الجزارة فسيدي حجاج وفي اولاد مراح ومدينة سطات على الأثمنة، ولي صرحو أن ثمن اللحم مزال هو هو أي بالثمن باش كان رغم استراد اللحوم  .

محمد لامين الجزارة في السوق المركزي لأولاد مراح، قال لـ كود”، بللي ثمن اللحم باقي هو هو، وأن اللحم لي جا من برا باقي مدخلش للمنطقة، وأن غالب الوزاعة تيحبو لحم لبلاد، وجميع الجزارة تيدبحو لكسيبة ديال لبلاد، مضيفا، أن للحم أغلب أصحاب الجزارة بالمدن يقتنون رؤوس الأبقار من البادية، ولي مبقاوش اجيو لسوق راه رؤوس الأبقار غادي تنزل فالثمن وينزل لحم فالثمن ديالو .

يوسف ممول الحفلات بمدينة سطات، قال بللي اللحم المستورد مزال مدخل لسطات باستثناء الأسواق التجارية، بحيت تيضيف أن اللحم مجمد راه تيكون تقيل فالوزن راه ممسلكناش خاص يكون ممجمدش باش يسلكنا .

رشيد صاحب محل الجزارة بمدينة سطات، قال في تصريح لـ”كود”، إن هذا اللحم مزال مجربناهش، او غالبية لكليان باقي متيسولش عليه تيقلبو على لحم لبلاد.