كود – عن الگارديان//

قال موقع” الغارديان” انه فتقرير تدار فأستراليا كيقول انه كاين تمييز بين الرجل والمرأة على مستوى الاجور وان المرأة كتتخلص قل من الرجل .

وأضاف الموقع البريطاني ان التقرير استعمل البيانات الضريبية من 2019 لتحليل 1032 مهنة مع أكثر من 50 شخص كيخدمو فيها ولقاو انه فا95٪ من المهن الرجال كيتخلصو كثر من العيالات وكيقدرو ان الفرق كيوصل لمليون دولار على الاقل باش ناقص الصالير دالمرأة على الرجل فطول حياتها المهنية.

و كيفترض هاد التقرير أن المرأة كتخدم حياتها كاملة بكونجيات قل من الرجل، ويشير لانه فجوة الاجور بين الجنسين مكتحبسش فالدخل ولكن كتأثر فالتقاعد ديال المرأة لانها كتكون كتتخلص اقل يعني معاش اقل .

التقرير كيرجح المشكل لأن المرأة كدير مهن تقليدية مكيتعرفوش بيها ومكيعطيوهاش قيمة.

https://www.theguardian.com/business/grogonomics/2023/mar/08/happy-international-womens-day-unfortunately-you-still-earn-1m-less-than-men