كود سبور//

عزز المنتخب الگابوني بلاصتو فالمركز الثاني من الگروب 2 فإقصائيات كأس إفريقيا2025، ورا المنتخب المغربي متصدر المجموعة واللي مؤهل ديجا حيث هو البلد المستضيف للبطولة.

وربح منتخب الگابون، المضيف ديالو منتخب ليسوتو، اليوم الثلاثاء فالماتش اللي لعبوه فتيران موزيس مابيدا فدربان الجنوب إفريقيا، بنتيجة 2 لزيرو.

وبهذا الرباح رفع منتخب الگابون الرصيد ديالو إلى 7 نقاط، ورا المنتخب الوطني المغربي المتصدر بـ9 نقاط، واللي عندو ماتش اليوم الثلاثاء فالليل مع أفريقيا الوسطى مولات المركز الثالث بـ3 نقاط، أما ليسوتو كايحتلو المركز الأخيرة بنقطة واحدة، مع العلم أن منتخب واحد اللي غايتأهل من هذا الگروب مع المنتخب المغربي اللي ضامن المشاركة حيث مستضيف المسابقة، وهذا الشي مخلي المنافسة تزيد تشعل بين الگابون وإفريقيا الوسطى اللي خاصهم يربحو الأسود باش يحافظو على حظوظهم فالمنافسة على المركز الثاني المؤهل إلى كأس إفريقيا.