وكالات//
قال تقرير ديال منظمة “اليونيسيف” أنه كاين أكثر من 150 مليون طفل العمر ديالو اقل من 5 سنين في العالم كامل ممسجلش في سجلات الحالة المدنية.
وكتحذر المنظمة العالمية التابعة للأمم المتحدة من ان هاد الأطفال مهددين انهم غادي يكبرو دون هوية قانونية وبالتالي ماغاديش يقدرو يوصلو للخدمات الأساسية بحال التعليم ولا الرعاية الصحية.
واخا هكاك كتقول المنظمة انه في السنوات الأخيرة، تم تسجيل أكثر من 500 مليون طفل دون سن الخامسة في السجل، وهو شي لي كيدل على انه كين تقدم مقارنة بآخر الأرقام المسجلة، ولي كترجع عام 2019.
على حساب مكتقول المنظمة، كتعتابر أوقيانوسيا، باستثناء أستراليا ونيوزيلندا، هي الأكثر تخلفا فهاد المجال، حينت 74% من الأطفال اقل من 5 سنين ممستجلينش.
فنفس الوقت كيعيش في أفريقيا جنوب الصحراء الكبرى 90 مليون طفل ممسجلينش (49%)؛ لي كيمثل أكثر من نصف العدد الإجمالي للأطفال غير المسجلين تحت سن الخامسة في جميع أنحاء العالم.
ومن بعد كتجي جنوب ووسط آسيا (22% من الأطفال غير المسجلين)، وشمال أفريقيا وغرب آسيا (14%)، وشرق وجنوب شرق آسيا (6%)، وأمريكا اللاتينية ومنطقة البحر الكاريبي (5%).
