كود سبور//

فارق الدولي اليوناني جورج بالدوك اللي كايلعب مع الدولي المغربي عز الدين أوناحي ففريق باناثينايكوس اليوناني، (فارق) الحياة بعد ما لقاو الجثة ديالو وهو ميت في ظروف غامضة.

وحسب جريدة الگارديان البريطانية، نقلا عن وسائل إعلام يونانية، مات مدافع باناثينايكوس، جورج بالدوك عن عمر يناهز 31 عاما، وقالت الشرطة اليونانية أن الجثة ديالو تم العثور عليها البارح الأربعاء فلابيسين فدارو فمنطقة كليفادا، جنوب العاصمة اليونانية أثينا، ولكن سبب الوفاة مازال غير معروف.

وحاولو البوليس وفرق الإسعاف يعتقو بالدوك، ولكن ما قدروش قبل ما يأكدو الوفاة ديالو، ودابا التحقيق مفتوح باش يعرفو كيفاش مات وواش الحادث عادي ولا جريمة قتل.

ووُلد بالدوك في باكنغهام، وهو يُعد أحد أبرز لاعبي شيفيلد، حيث لعب معه 219 مباراة ضمن مختلف المسابقات، مسجلا 6 أهداف وصانعا 16 تمريرة حاسمة.