كود ـ كازا//

من قلب بوسكورة، بداو تراكسات ف عملية هدم القصر الشهير المعروف بـ”الكرملين”د، البناية الفخمة اللي تصميمها روسي تقليدي، القيمة ديالها كتفوق 16 مليار سنتيم (160 مليون درهم)، وكتعتبر من أكبر الاستثمارات فكازا.

الجيران والصحافة جاو باش يشوفو عملية الهدم، والموضوع شد اهتمام بزاف ديال الناس فوسائل التواصل الاجتماعي بسبب قيمة وحجم هاذ القصر والتشابه ديالو مع الكرملين الروسي، اللي خلاه مشهور حتى قبل ما يتهدم.

مول القصر تيقول بللي عندو الرخص والوثائق القانونية ديال البناء وأنه غادي يمشي للقضاء باش ينصفو، معلوم إنه قبل أسبوع كان لفتيت وزير الداخلية هدد أي واحد خدا أرض ديال الدولة غادي يسترجعها “ولا نوصلو لخزيت” على ما حد قولو.