گود سبور//

ما بغاوش الثلاثي ديال ريال مدريد الإسباني، البرازيلي فينيسيوس والفرنسيين كيليان مبابي وكوناتي، يلبسو توني التضامن مع سبتة المحتلة، اللي لبسوه لاعبين ريال مدريد قبل الماتش ضد إلتشي البارح الثلاثاء ضمن منافسات بطولة إسبانيا.

اللاعبين بثلاثة تعطاوهم التونيات بحال گاع اللاعبين ديال ريال مدريد، ولكن اللاعبين بثلاثة فينيسيوس ومبابي وكوناتي هما لبسوهم غير حد النص، وضرگو الكتبة اللي فيها التضامن مع سبتة.

هذه الخطوة اللي دارو الثلاثي ديال ريال مدريد، خلفت ردود فعل قوية فالصلبيون، وخصوصا من اليمين المتطرف اللي محرض الجمهور، ومن بينهم مشجعين لريال مدريد، وكاين فيهم اللي هاجم اللاعين بثلاثة على الموقف ديالهم.

وللإشارة فريال مدريد الإسباني من الأندية الإسبانية الأكثر تعبيرا على دعمها لسبتة المحتلة ملي وقع حادث الهجرة غير الشرعية مع نهاية شهر يوليوز الماضي.