الرئيسية > الزين والحداكة > اليمنية بلقيس فتحي: نخاف نصدمكم إلا دويت بالداريجة وكنحس عندي شي عرق مغربي
06/08/2019 22:00 الزين والحداكة

اليمنية بلقيس فتحي: نخاف نصدمكم إلا دويت بالداريجة وكنحس عندي شي عرق مغربي

اليمنية بلقيس فتحي: نخاف نصدمكم إلا دويت بالداريجة وكنحس عندي شي عرق مغربي

نجوى المالحي-كود//

المغنية اليمنية بلقيس فتحي لي مستقرة في الامارات وواحدة من أكثر الفنانات العربية شهرة كتموت على المغرب وكل نهار كتزيد تعبر على حبها لبلادنا بطريقتها.

البارح بلقيس لي عندها 9 مليون متابع في انستكَرام دارت حصة أسئلة واجوبة مع المعجبين ديالها ومن بين الاسئلة كان “شنو هي الكلمات المغربية لي تعلمتي”.

الرد ديال بلقيس كان عفوي وكتبات “نخاف نصدمكم الى دويت بالداريجة. المغرب راه بلادي الثاني وعندي احساس انه ليا عرق مغربي”.

الجواب دارتو المغنية مع درابو ديال المغرب. وغير هادي مكاملاش سيمانة بانت بلقيس كتدوي بالمغربية وهادشي عجب الجمهور ديالها المغربي بزاف.

وكانت بلقيس خصصات جزء من عرسها للزفة المغربية بالصلاة والسلام والشطيح ودقة المراكشية، ومرة مرة كتجي للمغرب عند عائلة صديقة ديالها في رباط.

موضوعات أخرى