الرئيسية > تبركيك > اليعقوبي معقلش عليهم.. استمرار إغلاق المطاعم الراقية اللي محترمتش التباعد والفوضى فبيران حي المحيط
01/08/2021 15:00 تبركيك

اليعقوبي معقلش عليهم.. استمرار إغلاق المطاعم الراقية اللي محترمتش التباعد والفوضى فبيران حي المحيط

اليعقوبي معقلش عليهم.. استمرار إغلاق المطاعم الراقية اللي محترمتش التباعد والفوضى فبيران حي المحيط

كود الرباط//

علمت “كود” من مصدر مطلع أن السلطات الولائية بالرباط قررت اغلاق عدد من المطاعم الفاخرة جراء غياب التدابير الاحترازية وعدم الالتزام بالاجراءات المعمول بها لمنع تفشي فيروس كورونا في صيغته الحالية “المتحور دلتا”.

وقررت السلطات، مساء يوم الجمعة الماضي، اغلاق مطعم “لي دوبالي” لثلاثة أيام متتالية بسبب تجاوز نسبة 50 في المائة من المقاعد المخصصة للجلوس، وهي النسبة التي قررتها السلطات لمواجهة تفشي المتحور دلتا.

كاين مطاعم فاخرة سداتها السلطات حيث ماليها خارقين القانون والتباعد وومسوقينش، وطبعا كاينين مطاعم اخرى باقي كتحدا وكادير القوالب خصوصا فاش كيعرفو السلطات جايين يراقبو تايفرقو فناس.

اما بعض البيران الشعبية، هادي مصيبة بوحدها، ماشي كولشي محترم التباعد، فحي المحيط مثلا على مستوى شارع الخطابي، “كود” دارت جولة صغيرة في بعض المحلات ولقات التكدس ومكاينش لا تباعد ولا مقياس الحرارة.

الغريب فالأمر، كاينين بعض البيران مكاين لا كليما ولا نوافذ ولا والو، غير الاكتظاظ والدخان، هادشي خلا بعض عشاق البيرة والسطورك فهاد البيران الشعبية كيسولو :”واش السلطات المحلية فهاد الحي مشافو والو، مبانش ليهم بلي هادو مامحترمينش التدابير الاحترازية”.

“كود” وقفت على شهادات تفيد بلي بعض المطاعم الفاخرة اللي كادعي النفوذ والعلاقة مع كبار المسؤولين، فشلت تفرض الريتم ديالها والتفعيع ديالها قدام الوالي محمد اليعقوبي، اللي من نهار جا والرباط كتقاد والتخلويض كينقص.

شي وحدين مبغاوش يبقا اليعقوبي حيث زيرهم، وكيطبق القانون على كولشي. داكشي لاش خرجو عليه اشاعة بلي غادي يتعين والي فكازا فالمجلس الوزاري للي داز. هاد المجلس داز والتعيين فيناهو؟ طبعا غير كذوب.

بعض رجال السلطة اللي تكاسلو ف تطبيق القانون، خايفين من زلزال إدارية بولاية الرباط.

مصادر “كود” قالت بلي تفعيل ربط المسؤولية بالمحاسبة لبعض رجال السلطة غايكون بناءا على تقارير دقيقة، غاتسالي ببعض التغيير في هرم السلطات المحلية بالرباط، خصوصا في أكدال الرياض.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات