سامي العلوي -گود كازا //

قالت المصادر ديال “گود” أن الوكيل العام للملك فمحكمة الاستئناف ديال كازا ، عطى تعليماتو للفرقة الوطنية للشرطة القضائية فابراهيم الروداني باش تحقق فاختلالات وتلاعبات فالفلوس وفالصفقات والتكوين المستمر.

وعلى حساب مصدر “گود” راه هاد الشي جا من بعد تقرير ديال المجلس الاعلى للحسابات فالفترة من 2016 ل2020 لي كانو فيها جوج مدراء هما عبد العزيز فسوان وعبد الصادق الصادقي.
الفضايح مزال مغتساليه فهاد المدرسة المشؤومة لي راه غير هاد الصباح جاو الوالدين ديال بزاااف ديال الطلبة لي صدماتهم الوزارة في التسجيل قالت ليهم نتوما ممسجلينش.

ووفق ما عاينه” گود “عبد اللطيف مكرم رئيس الجامعة ديال الحسن الاول جا للبيرو باش يشوف اش غيدير فهاد الحريرة بالمقابل باقي المدير الجديد رشيد أمليل صاحب عبد اللطيف الميراوي وزير التعليم العالي والبحث العلمي والابتكار لي راه تعين الخميس لي فات مزال ما جا للبيرو