الرئيسية > آش واقع > الوفيات بكورونا فالمغرب هاد السيمانة: جهة طنجة تطوان هي اللولة ب8 وفايات .. ونسبة الإماتة غادية وكطلع
05/07/2020 20:30 آش واقع

الوفيات بكورونا فالمغرب هاد السيمانة: جهة طنجة تطوان هي اللولة ب8 وفايات .. ونسبة الإماتة غادية وكطلع

الوفيات بكورونا فالمغرب هاد السيمانة: جهة طنجة تطوان هي اللولة ب8 وفايات .. ونسبة الإماتة غادية وكطلع

عفراء علوي محمدي- كود//

جهة طنجة تطوان الحسيمة هذ السيمانة سجلات أكبر حصيلة ديال الوفيات بفيروس كورونا المستجد، بحيث علنات المديرية الجهوية لوزارة الصحة فجهة الشمال على وفاة 8 أشخاص بالفيروس، من 29 فشهر يونيو اللي فات.

والوفيات اللي علنات عليهم مديرية جهة طنجة هذ السيمانة توزعو على الشكل التالي: 4 يوم الاثنين 29 يونيو، وحدة يوم الثلاثاء 30 يونيو، جوج لبارح السبت 4 يوليوز ووحدة اليوم الأحد.

بالنسبة للجهات الأخرى، فاس مكناس سجلات جوج وفيات هذ الأسبوع، وحدة الثلاثاء 30 يونيو ولخرى الجمعة 3 يوليوز، ثم مراكش آسفي سجلات حالة وفاة وحدة الثلاثاء 30 يونيو، والعيون سجلات وفاة وحدة كذلك يوم الخميس 2 يوليوز.

وبلغ عدد الوفيات اللي تسجلات هذ الأسبوع 14 وفاة، من بينهم جوج وفيات مازال ماتعرف فين تسجلات، بحكم بعض المديريات ماكيعلنوش على تفاصيل وضعية الجهات ديالهم الوبائية، ومن بينهم على وجه الخصوص مديرية كازا سطات ومديرية الرباط سلا القنيطرة.

والملاحظ هو أن نسبة الوفيات بالفيروس رجعات ترتفع من جديد، ووصلات نسبة الإماتة ل1,7 الآن، لكن الوزارة لحد الساعة مازال ماعطات تفسير حول هذ الارتفاع اللي بدا مباشرة من بعد رفع الحجر الصحي بشكل تدريجي.

وهذي تفاصيل مجموع حالات الوفاة فالجهات:

المركز الأول: مراكش آسفي: 56 وفيات
المركز الثاني: طنجة تطوان: 53 وفيات
المركز الثالث: فاس مكناس: 29 وفيات
المركز الرابع: الجهة الشرقية: 8 وفيات
المركز الخامس: بني ملال خنيفرة: 7 وفيات
الماركز السات: سوس ماسة: 7 وفيات
المركز السابع: درعة تافيلالت: 5 وفيات
المركز التامن: العيون الساقية الحمرا: وفاة وحدة
المركز التاسع: كَلميم واد نون: وفاة وحدة
المركز العاشر: الداخلة واد الذهب: بدون وفيات

وهذو الجهات اللي مازال ماعلنات على تفاصيل جديدة:

الدار البيضاء 51 (آخر تحديث: 6 يونيو)
الرباط سلا 12 (آخر تحديث: 11 يونيو)

موضوعات أخرى

14/08/2020 11:00

شطاحة فينيزويلية كتهضر على حياة الليل فالمغرب: كيقول عليه دولة محافظة لكن فالليل كيولي كلو حرية ونشاط.. والسواعدة كيلوحو علينا حفنات كبار دالفلوس عمري شفتهم فحياتي

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟