گود سبور- زنزباز//

حاضر الوفد الإعلامي المغربي اللي سافر لتنزانيا باش يغطي روتور فينال كأس الكونفيدرالية الافريقية، بين نهضة بركان وسيمبا التنزاني (حاضر) بقوة فجزيرة زنجبار لتغطية النهائي وتوفرت له ظروف مزيانة.

الوفد اللي فيه كثر من عشرة صحافيين نزل فشرق الجزيرة المعروفة بطبيعتها الخضرا الروينة بزاف. الوفد الإعلامي اللي مشى لتنزانيا تحت اشراف الجمعية الوطنية للإعلام والناشرين، (كايعيش) ظروف مزيانة بعدما شدو افراد البعثة الطريق الخميس الماضي إلى زنزباز ووصلو لها الجمعة فرحلة من كازا لهاد الجزيرة عبر الدوحة القطرية.

وعايشين افراد بعثة الاعلام الرياضي المغربي مزيان وفظروف زوينة بزاف وسوا من ناحية الإقامة بفندق
الوفد الصحافي اللي مشى مع الجمعية الوطنية للإعلام والناشرين فاوطيل پاراديزياك فزنزيبار وهو اوطيل زوين وداير بالطبيعة، ولهذا الشي راه هو حسن من اوطيل نهضة بركان فالسونتر ديال الجزيرة. وأوطيل بركان “حياة بارك” جا وسط لمدينة التاريخية. لكن ما عندو شاطئ بديك الرمال الزوينة ولا عندو طبيعة محتضناه ولا عندو بار داخل البحر.

وفندق الوفد المغربي مصنف من 4 نجوم ومن احسن الفنادق اللي كاينين فالجزيرة، وموفرين وجبات الإفطار والعشاء والنقل حتى هو كاين وهذا الشي من نهار وصلو لزنجبار، وحتى القطب الرياضي بالجمعية الوطنية للإعلام والناشرين، راه حاضرين فزنزبار وساهرين على توفير كل الشروط وكبيرة وصغيرة للصحافيين ديال الوفد.

الوكالة اللي كلفوها دارت خدمة نقية