الرئيسية > آش واقع > الوضعية الوبائية لفيروس كورونا ف24 ساعة: 82 حالة جديدة و98 حالة شفاء و0 حالة وفاة.. واليوبي: هذ المؤشرات إيجابية وكاين تحسن كبير
18/05/2020 16:30 آش واقع

الوضعية الوبائية لفيروس كورونا ف24 ساعة: 82 حالة جديدة و98 حالة شفاء و0 حالة وفاة.. واليوبي: هذ المؤشرات إيجابية وكاين تحسن كبير

الوضعية الوبائية لفيروس كورونا ف24 ساعة: 82 حالة جديدة و98 حالة شفاء و0 حالة وفاة.. واليوبي: هذ المؤشرات إيجابية وكاين تحسن كبير

عفراء علوي محمدي- كود//

علن محمد اليوبي، مدير مديرية الأوبئة والوقاية من الأمراض، على تسجيل 82 حالة جديدة للإصابة بفيروس كورونا فهذ 24 ساعة الأخيرة، أي من الربعة دالعشية دلبارح الأحد حتى للربعة دالعشية داليوم الإثنين، وبهذشي وصل عدد المصابين الإجمالي ل6952 حالة.

وعلن اليوبي كذلك، فالندوة المخصصة للرصد اليومي للحالة الوبائية لفيروس كورونا المستجد، اليوم الإثنين، بللي اليوم ماتسجلات حتى شي حالة وفاة، وبقى عدد الوفيات مستقر ف192، بنسبة إماتة ديال 2,8 فالمائة، وبالنسبة للناس اللي تشافاو، اليوم تسجلات 98 حالة، وصبح الإجمالي هو 3758 حالة شفاء، اي بنسبة 54,1 فالمائة.

وعبر اليوبي على ارتياحو بهذ النتائج اللي تسجلات اليوم، وقال بللي كاين تحسن كبير فالمؤشرات المتعلقة بالوفيات وحالات الشفاء، وحتى حالات الإصابة انخفضات وبدات كتسجل ضمن مجموعة من البؤر فقط.

وأكد اليوبي بللي 71 حالة من الحالات الجديدة تم الكشف عليها من خلال عملية تتبع المخالطين، اللي وصل العدد ديالهم منذ بداية الوباء فالمغرب ل38407 مخالط.

وبالنسبة للحالات المستبعدة، فتم استبعاد اليوم 5497 حالة، باش يولي مجموع الحالات اللي خرجو نتائجها سلبية 88584.

وبالنسبة لتوزيع الحالات الجديدة، كشف بللي الحالات الجديدة همت على الخصوص جهة كازا سطات بالدرجة الأولى الحالات، واللي فرزاتها مجموعة من البؤر البؤر الصناعية، ثم جهة مراكش آسفي من خلال بؤرة صغيرة، وجهة طنجة تطوان بؤرتين عائليتين، ثم جهة فاس مكناس وجهة الرباط، بينما الجهات الأخرى لم تسجل أية حالة هذا اليوم.

وهاذي تفاصيل الإصابات بالنسبة المؤوية فمختلف الجهات:

موضوعات أخرى