الرئيسية > آش واقع > الوضعية الوبائية لفيروس كورونا فهاد 24 ساعة: 226 تصابو منهم 156 فبؤرة لالة ميمونة.. و106 تشافاو وحتى واحد ما مات.. الطوطال: 9839 حالة و8223 متعافي و213 متوفي
20/06/2020 17:30 آش واقع

الوضعية الوبائية لفيروس كورونا فهاد 24 ساعة: 226 تصابو منهم 156 فبؤرة لالة ميمونة.. و106 تشافاو وحتى واحد ما مات.. الطوطال: 9839 حالة و8223 متعافي و213 متوفي

الوضعية الوبائية لفيروس كورونا فهاد 24 ساعة: 226 تصابو منهم 156 فبؤرة لالة ميمونة.. و106 تشافاو وحتى واحد ما مات.. الطوطال: 9839 حالة و8223 متعافي و213 متوفي

عفراء علوي محمدي- كود//

علنات وزارة الصحة على تسجيل 226 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع لـ9839.

وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة الرباط سلا القنيطرة هي اللي سجلات أكبر عدد ديال الحالات (156)، أغلبها كيتعلق ببؤرة تجميد الفواكه الحمراء فمنطقة لالة ميمونة فإقليم القنيطرة.

بالنسبة للجهات الأخرى، سجلات طنجة تطوان 28 حالة، كازا سطات 21 حالة، فاس مكناس 11 حالة، جهة مراكش آسفي 6 حالات، و4 حالات فجهة كَلميم وادنون، بينما باقي الجهات ماسجلات حتى إصابة.

وتسجلات 106 حالة شفاء اليوم، ووصل المجموع لـ8223، بنسبة تعافي د83,6 فالمية.

وما تسجلات حتى حالة وفاة ، واستقر الطوطال فـ213، بنسبة إماتة د2,2 فالمية.

وارتفع عدد المصابين اللي مازال كيتلقاو العلاج لـ1403.

وبالنسبة للمخالطين، الوزارة تبعات من نهار بان الوباء 53813 حالة، منها 5656 باقة قيد التتبع.

ووصل مجموع الحالات المستبعدة لـ512327 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

موضوعات أخرى

15/07/2020 21:30

الحصيلة الوبائية لكورونا فالجهات والأقاليم: 64 إصابة بفاس مكناس و2 وفيات فجهة الشمال.. وجهة فاس مكناس كتسجل 118 حالة تعافي